Mbengu tulizopanda…
Kazi bure tul’ofanya,
Ukamwe mkono wa juu…
Twatazamana na wajukuu!
Pamoja tu kwenye jangwa…
Mawazo tele hamna raha,
Mawingu yatakapofunguka juu…
Mafuriko yatatubeba juu.
Ni nini tutakayofanya,
kuondoa yetu laana?
Mfano mzuri kurithisha
Pamoja tujitahidi…
Mwanzo mpya,
Matumaini mapya,
Mawazo mapya….
yaliyopita si ndwele,
lakini bila historia…
nisingeliona mbele.
Asanta kwako rafiki,
kwa kunionyesha…
ya muhimu duniani,
Kwanza,
kwa kunijulisha…
sie mie peke yangu,
ninayekimya na langu
Pili,
kwa kutumia m’da wako…
usiku kutwa hadi nikaelewa
mafunzo ya mababu zetu
tokea ujamaika,
hadi kisumu
Tatu,
kwa kunikumbusha…
utamu wa lugha,
Nne,
kwa kusisitiza
kuwa utu muhimu,
kuliko chochote kingine…
Na mwisho,
kuwa binadamu,
atofautishwa na wanyama…
kwani anapotaka kwenda msalani,
lazima aombe fursa kwanza!
kwani heshima si utumwa.
Mbona maisha kama pepo kavu?
Usin’ambie kila pepo na m’da wake,
ulimwengu ushanifunza….
Nini n’nalokosa lakini n’nachotamani?
Starehe ya kuketi na kupiga gumzo la kimaana…
Starehe ya kupiga gumzo na mtu aliyekomaa…
Chemchem la mawaidha yenye busara,
Mawazo tasa tukawa tumeyawacha nyuma…
Lakini ucheshi tusiutupilie mbali,
Mshindo wa bahari na mawimbi….
Kwenye miguu yetu tun’poketi ufukoni…
Hali ya anga likibadilika,
Maktabani au mkahawani sawa pia….
Sio kila siku mtandoni….
Niambie sasa,
Ukavu huu utaisha lini?
mchezo wa kuwindana sina mda nao…
tamaa uli’oamsha atautekeleza nani?
Yu wepi at’kaye zima kiu yangu?
Mwanya huu atauziba nani?
Maoni